Kófið og Leiksopparnir: Sannleikann upp á Borðið, takk!

- eða eins og sagði í Fb-færslu minni - svona rétt fyrir helgi

 

Sæll Arnar Þór, greinin þín er frábær – þú rífur kápuna af sérfræðingadýrkun Íslendinga og sýnir hvernig hún varð samfélagslegt öngþveiti í COVID-19, „kófinu“. Lýsingin á því hvernig efnahagslífi, menntun og geðheilsu var fórnað á altari þröngra sérfræðiráðlegginga er beint í mark. Og þversögnin sem þú dregur fram – að meiri sérfræðiþekking minnki ábyrgð, jafnvel þegar spár, eins og jarðfræðingsins um „undirdjúpin“, reynast út í hött – þú negldir það! Þetta er vandamál sem við sjáum aftur og aftur og þú setur fingurinn á það með glæsibrag!

 

Smá kaldhæðni áður en áfram haldið

 

En hér kemur fyrst smá kaldhæðni: Þú, virtur hæstaréttarlögfræðingur og ég, sérfræðingur í lækningum, gætum lent í sömu gildru sérfræðingadýrkunar! Og verra enn, við gætum orðið besserwissarar á æðri stóli, lítandi niður á aðra sérfræðinga, en látum ætíð betri vísindi eða sannleik ráða í nálgun okkar. Eru okkar „sérfræðiráð“ ekki stundum tekin sem guðs orð, bara af því við höfum titla? Þetta er einmitt sú blinda trú sem þú gagnrýnir og við verðum að gæta okkar á að falla ekki í hana – né setjast á hærri hesta en kollegar okkar. Jæja, kannski smávegis stundum þar sem það á við, eins og í þessu "kófi", eða?

 

Kafað dýpra í Kófið

Jæja, ok, látum kaldhæðnina liggja kyrra og köfum dýpra, því vandamálið í kófinu var alvarlegra en þú lýsir og ég vil bæta við þremur megin punktum.

1. Í fyrsta lagi, vísindaleg nálgun er gulls ígildi, ekki bara gull, en hún er aðeins eins góð og þeir sem beita henni. Þú snertir á hvernig sérfræðingar og stjórnmálamenn notuðu framtíðarspár til að grafa mistök aðgerða í kófinu, en það vantar aðeins upp á hvernig stjórnvöld misnotuðu sálfræðilega þekkingu til að keyra „narra-tifið“ sem þjónar elítunni.

• Taktu Asch tilraunirnar, sem sýna hvernig félagslegur þrýstingur fær fólk til að fylgja hjörðinni. Í kófinu var þetta augljóst: Flott slagorð fagurra fyrirheita, eins og „vertu heima, bjargaðu lífum“ eða „gerum þetta saman“, voru sálfræðilega hönnuð til að tryggja fylgni með óttastýringu og hjarðhegðun. Þessi slagorð lofuðu öryggi og samstöðu, en umræða um skaðann sem þú nefnir – skuldir, verðbólga, vængstífð menntun og sálrænar afleiðingar sem við munum finna fyrir í áratugi – var kæfð.

• Söguleg dæmi eins og MKUltra, þar sem CIA notaði sálfræði til hugstýringar, eða hugmyndir um Operation Mockingbird, þar sem fjölmiðlar voru sagðir notaðir til að móta skoðanir, sýna hversu langt svona misnotkun getur gengið. Þú nefnir hvernig sérfræðingar tala „kinnroðalaust“ til fjölmiðla, en hvað ef fjölmiðlar voru hluti af áróðursvélinni? Þá varð almenningur fórnarlambið – fórnað á altari pólitískra markmiða, eins og þú gefur í skyn.

2. Í öðru lagi,margar sérfræðiráðleggingar í kófinu voru ekki vísindalegar, heldur minntu frekar á ráð fáráða í stöðum sérfræðinga.

• Erindi mitt til Umboðsmanns Alþingis 7. maí 2025 (mál nr. 181/2025) afhjúpar hvernig sóttvarnaaðgerðir og tengdar áætlanir 2020–2023 byggðu á vafasömum forsendum. Brook Jackson-málið afhjúpaði svik í Pfizer-rannsóknum – fölsuð gögn, hunsaðar aukaverkanir, engin upplýst samþykki.Bandaríska ríkisstjórnin vissi af þessu en ýtti áætluninni í gegn án minnstu skammar,ja, kannski ekki alfarið því reyndu að leyna því í 75 ár!

• Hagstofu-gögn sýna 83,9% aukningu í ungbarnadauða 2020–2021 og 20,22% aukningu í hjartaáföllum 2022, sem samræmast alþjóðlegum vísbendingum um skaða, eins og hjartaskaða og áhrif á frjósemi, sem deyddi fólk og olli óafturkræfum skaða. Íslenska lyfjastofnun (IMA) og heilbrigðisráðuneytið héldu áfram, þrátt fyrir þessi gögn, án þess að blikka auga. Þetta er ekki vísindaleg nálgun – þetta er skammarlegt ábyrgðarleysi, blind fylgni við alþjóðlegt „narra-tif“. Veiran sjálf, þó manngerð, var aðeins byrjunin – bólusetningaáætlunin var það sem skaðaði fólk og krystalliserar raunverulegan skaða kófsins.

3. Í þriðja lagi, dómkvaðning Truncale dómara (Brook Jackson-málið, 9. ágúst 2024) staðfestir að áróðurinn í kófinu var stýrður af hernaðaraðgerð DoD/DARPA, með Pfizer sem undirverktaka undir OTA-samningum.

• Þetta bendir til að kófið – veiran, manngerð undir stjórn DoD/DARPA sem kveikja og afleiðingar áætlana, studdar flottum slagorðum – hafi verið sálfræði- og hernaðarleg aðgerð, þar sem WHO dansaði eftir pípu bandarískra stjórnvalda. Samsæriskenning?

• Nei, þetta er svartur sannleikurinn og hann passar eins og flís við rass við gagnrýni þína. Ef sérfræðingar eru leiksoppar í hernaðarlegu áróðursspili, en hvað þýðir þá „fylgdu vísindunum“?

Þessi þrjú atriði – sálfræðilegur áróður með flottum slagorðum fagurra fyrirheita, ráð fáráða í stað vísinda og DoD/DARPA-stýrður hernaður – sýna hvernig vísindin urðu tæki til að fórna almenningshagsmunum, eins og þú lýsir með skuldasöfnun og sálrænum skaða í kófinu.

Meiri gagnrýni og algjört gagnsæi

Ég tek heilshugar undir kall þitt eftir meiri gagnrýni og minni dýrkun, en við þurfum líka algjört gagnsæi – öll gögn á borðið, takk! Við þurfum siðareglur um sálfræðilegar herferðir og menntaðan almenning sem þekkir brellurnar: Ótti, hjarðhegðun og fögur slagorð mega ekki stýra okkur. Og við, sem „sérfræðingar“, verðum að vera fyrstir til að gagnrýna okkur sjálfa – án þess að setjast á æðri stól!

Takk fyrir frábæra grein – þetta er umræða sem við verðum að halda lifandi!

 Hér: https://arnarthorjonsson.blog.is/blog/arnarthorjonsson/entry/2313841/ 

og hér: https://www.facebook.com/permalink.php?story_fbid=pfbid02jWsG5T7cbQGhKhtMjHQUmmujnPXJnkzuUtc768gctPykVHvd7HRe3jaXJmT8KGthl&id=100011780053893